26 июл 17:15
Янгиликлар

Теннис

Қозоғистонлик теннис маликаси АҚШ пойтахтидаги турнирда 1/2 финалга чиқди

Дунёнинг 12-ракеткаси бўлиб турган Елена Рибакина Вашингтон шаҳрида ўтказилаётган WTA турниридаги юришини давом эттирмоқда.

Қозоғистонлик теннисчи 1/4 финалда рейтингнинг 24-поғонасида бораётган польшалик Магдалена Френхни икки сетда ҳам бир хил ҳисобда мағлубиятга учратди - 6/3, 6/3. Теннисчиларнинг ўзаро учрашувларидаги ҳисоб йириклашди - 3:0.

Саксон дақиқа давом этган баҳсда Рибакина 7, Френх 2 та эйс зарбасини амалга оширган. Қўшхатолар польшаликда кўпроқ бўлди - 5 га 4. Брейклар бўйича мутлақ устунлик эса ғолиб теннисчи томонида бўлди - 3 га 0!

Рибакина бу йилги мавсумда WTA турнирларида тўртинчи бор ярим финалда ўйнайди. Унинг финал чиптаси учун кечадиган учрашувдаги рақибаси канадалик Лейла Фернандес бўлади.