31 янв 16:07
Янгиликлар

Теннис

Қозоғистонлик Елена Рибакина - Australian Open ғолибаси!

Мельбурн шаҳрида теннис бўйича йилнинг илк "Катта Дубулға" турнири - "Australian Open" мусобақасида аёллар ўртасидаги беллашувлар ўз якунига етди.

Турнирнинг финал учрашувида дунёнинг биринчи ракеткаси, Беларусь вакиласи Арина Соболенко ҳамда бешинчи ракетка, қозоғистонлик Елена Рибакина ўзаро тўқнаш келди.

2 соат 19 дақиқа давом этган ўйинда Елена Рибакина 6:4, 4:6, 6:4 ҳисобларида ғалаба қозонди ва фаолиятида илк маротаба Австралия Очиқ чемпионати ғолибасига айланди.

Қозоғистонлик теннисчи мазкур ғолиблик орқали 2000 рейтинг очкоси ва 2 миллион 900 минг АҚШ долларига яқин пул ишлаб олди.