26 янв 16:24
Янгиликлар

Теннис

Қозоғистонлик теннисчи Australian Open илк финалчиси!

Мельбурн шаҳри мезбонлигида ўтказилаётган "Катта Дубулға" туркумига кирувчи Австралия Очиқ чемпионатининг аёллар ўртасидаги яккалик баҳсларида илк финалчининг номи маълум бўлди.

Australian Open илк 1/2 финал учрашувида WTA рейтингида 25-поғонада бораётган қозоғистонлик Елена Рибакина сайёрамизнинг 24-ракеткаси, беларуслик Виктория Азаренкони 7/6(4), 6/3 ҳисобида мағлуб этди.

Теннисчиларнинг ўзаро иккинчи учрашувида ҳам Елена зафар қучди. Бир соату 42 дақиқа давом этган баҳсда Рибакина 9 та эйс, 3 та қўшхато ва 5 та брейк-пойнтга эга бўлди.