24 июн 16:51
Янгиликлар

Теннис

Қозоғистонлик теннисчи Бирмингемда бош совринга эга чиқди

Буюк Британиянинг Бирмингем шаҳрида ўтказилган WTA 250 тоифасига кируви турнир Юлия Путинцевасининг ғалабаси билан якунланди.

Дунёнинг 41-ракеткаси бўлиб келган қозоғистонлик теннисчи финал баҳсида WTA рейтингида 190-поғонадан жой олган австралиялик Айла Томляновичдан 6/1, 7/6(8) ҳисобида устун келди. Юлия теннисчиларнинг ўзаро учрашувларида катта фарқ билан олдинда бормоқда - 5:1.

Бир соату 29 дақиқа давом этган баҳсда иккала теннисчи ҳам 4 тадан эйс зарбасини амалга оширган. Қўшхатолар Яшил қитъа вакиласида анча кўпроқ бўлди - 6 га 1. Брейклар бўйича устунлик Путинцева фойдасига 5 га 2. Бирмингемдаги бир ҳафталик меҳнат Путинцевага 35 250 доллар мукофот пули ҳамда 250 рейтинг очкоси келтирди.