17 апр 09:07
Янгиликлар

Бокс/ММА

Қозоғистонлик UFC жангчиси Нурсултон билан бир оқшомда жанг ўтказади

27 июнь куни Озарбайжон пойтахти Боку шаҳрида ўтказиладиган UFC турнирининг яна бир жанги эълон қилинди.

UFC энг енгил дивизиони вакили Бекзат Алмахан бразилиялик Жан Мацумотога қарши октагонга чиқади. Жанг ўтказилиши ҳақида вазиятга яқин бўлган манбалар хабар берди.

28 ёшли Бекзат Алмахан UFC’да учта жанг ўтказиб, икки мағлубият ва бир ғалаба қайд этган. У россиялик Умар Нурмагомедов ҳамда Илия Топуриянинг укаси Александр Топурияга ҳакамларнинг якдил қарори билан ютқазган, Бред Катонни эса нокаутга учратган.

26 ёшли Жан Мацумото ҳам сўнгги жангида Фарид Башаратга алоҳида ҳакамлик қарори билан имкониятни бой берган. Айни пайтда Алмахан ва Мацумото ташкилотнинг энг енгил дивизиони рейтингида Топ-15`таликка кирмаган.