21 июн 09:28
Янгиликлар

Теннис

Queen's Club. Карлос Алькаразда қийин ғалаба

Буюк Британиянинг Лондон шаҳрида теннис бўйича майса қопламали нуфузли ATP турнири давом этмоқда.

Дунёнинг иккинчи ракеткаси Карлос Алькараз Queen's Club турниридаги иштирокини ғалаба билан бошлаб олди. Испаниялик теннисчи ATP рейтингида 83-поғонада бораётган франциялик Артур Риндеркнехни қийинчилик билан мағлубиятга учратди - 4/6, 7/5, 7/6(3).

Икки соату 37 дақиқа давом этган баҳсда Алькараз 8, Риндеркнех 5 та эйс зарбасини амалга оширган. Теннисчиларнинг ўзаро иккинчи учрашувида ҳам Карлос ғалаба қозонди. Иккала теннисчи ҳам қўшхатога йўл қўймагани ҳолда 3 тадан брейк қайд этишди.