21 июн 07:22
Янгиликлар
Теннис
Queen's Club. Руне фаолиятида илк бор майсали кортда ғалаба қозонди
Шу кунларда Лондонда теннис бўйича Queen's Club турнири бўлиб ўтмоқда.
Жаҳоннинг 6-ракеткаси даниялик Хольгер Руне мусобақанинг биринчи босқичида АТР рейтингида 42-ўринни эгаллаб турган америкалик Максим Крессини мағлуб этди - 7/6(4), 7/6(3).
Теннисчилар кортда 1 соату 58 дақиқа ҳаракат қилишди. Спортчиларнинг ўзаро учрашувларида ҳисоб - 4:1, Хольгер фойдасига.
Шу тариқа, Руне майсали кортда фаолиятидаги биринчи ғалабасини қўлга киритди (шу кунгача унда учта мағлубият бор эди). Энди Queen's Club турнирининг чорак финал йўлланмаси учун у британиялик Райан Пенистон билан куч синашади.
Ҳавола :
Манба : gotennis
Фикрлар