19 июл 18:29
Янгиликлар

Бокс/ММА

Қуролли ҳужумга учраган PFL чемпиони воқейликка илк бор изоҳ берди

Бир неча кун олдин россиялик аралаш яккакураш устаси Тимур Хизриев Махачқалъада қуролли ҳужумга учраган эди.

"Менда ҳеч ким билан зиддият бўлмаган. Ҳужум уюштирганлар ниқобда эди. Улар ҳатто аёллар бўлиши ҳам мумкин. Видеода эркакларни кўрмадим. Шунинг учун менга ким ҳужум қилганини аниқ айта олмайман", - дея Хизриевнинг сўзларини келтиради Metaratings.

Эслатиб ўтамиз, бир неча кун олдин ўз автомобили ёнидаги автотураргоҳда турган 29 ёшли Хизриевга номаълум шахслар ҳужум қилиб, травматик тўппончадан бир неча марта ўқ узганди.

Маълумот учун, Хизриев сўнгги жангини 2024 йилнинг ноябрь ойида PFL мавсуми финалида Брендан Лохнейнга қарши ўтказган ва унда ҳакамларнинг якдил қарори билан ғалаба қозонган эди. Бу ғалаба унга чемпионлик камарини тақдим этганди. Тимур шу кунгача ўтказган 18 та жангининг барчасида ғалаба қозонган.