20 июл 12:35
Янгиликлар

Теннис

Рафаэль Надаль 4 соатлик қийин учрашув ўтказди

Швециянинг Бостад шаҳрида теннис бўйича нуфузли ATP турнири давом этмоқда.

Грунт қироли Рафаэль Надаль Nordea Open турнирининг 1/4 финалида аргентиналик Мариано Навонега қарши кортга чиқди. Бир дақиқаси кам тўрт соат давом этган баҳсда испаниялик афсонавий теннисчи 6/7(2), 7/5, 7/5 ҳисобида ғалаба қозонди. Бу теннисчиларнинг ўзаро ўтказган илк учрашуви сифатида тарихга кирди.

Таққослаш учун, Рафаэль Надаль ATP рейтингида 261-ўринни эгаллаб турган бўлса, Навоне дунёнинг 36-ракеткаси бўлиб турибди. Рафа 1 та эйс, 10 та брейкни амалга ошириб, 4 та қўшхатога йўл қўйди. Энди Надаль Бостад турнирининг 1/2 финалида хорватиялик Дуй Айдуковичга қарши баҳс олиб боради.