21 июл 12:32
Янгиликлар

Теннис

Рафаэль Надаль икки йиллик танаффусдан сўнг яна финалда ўйнайди

Швециянинг Бостад шаҳрида ўтказилаётган ATP турнирида финалчилар аниқланди.

Nordea Open турнирининг 1/2 финалида ATP рейтингида 261-поғонадан жой олган грунт қироли Рафаэль Надаль дунёнинг 130-ракеткаси бўлиб турган хорватиялик Дуй Айдуковични уч сет натижасига кўра мағлубиятга учратди - 4/6, 6/3, 6/4.

Бу теннисчиларнинг ўзаро ўтказган илк учрашуви эди. Икки соату 12 дақиқа давом этган баҳсда Надаль эйс зарбасини амалга ошира олмади ва шунинг баробарида қўшхатога ҳам йўл қўймади. Брейклар бўйича устунлик ҳам айнан унинг томонида бўлди - 6 га 5.

Надаль сўнгги бор финалда 2022 йили "Ролан Гаррос" турнирида ўйнаган эди. Бу Рафа учун фаолиятидаги 131-финал учрашуви бўлади. Шундан 72 таси грунт қопламали турнирлар финалига тўғри келади. Бугун у бош соврин учун португалиялик Нуну Боргешга қарши кортга чиқади.