19 ноя 14:51
Янгиликлар

Теннис

Ражив ва Жо қаторасига учинчи йил Якуний ATP турнири финалида ўйнайди

Италиянинг Турин шаҳрида теннис бўйича Якуний ATP турнири давом этмоқда.

Мусобақанинг жуфтликлар баҳсида финалчилар аниқланди. Америкалик Ражив Рам ва британиялик Жо Сэлисбери жуфтлиги 1/2 финалда мексикалик Сантьяго Гонсалес ҳамда франциялик Эдуард Роже-Васслен ҳамкорлигини қийинчилик билан мағлубиятга учратди - 7/6(5), 3/6, 10:7.

Бир соату 49 дақиқа давом этган учрашувда Рам/Сэлисбери 4, Гонсалес/Роже-Васслен тандеми эса 5 та эйс зарбани амалга оширган. Рам ва Сэлисбери қаторасига учинчи йил Якуний турнирнинг финалига йўл олишди. Улар жуфтликлар мусобақасининг амалдаги чемпионлари ҳисобланади. Рам ва Жо бош соврин учун испаниялик Марсель Гранольерс ҳамда аргентиналик Орасио Себальос жуфтлигига қарши кортга чиқади.