Рапирачи қиличбозларимиз Белоруссияда «Энг кучлилар очиқ турнири»да ғолиб бўлишди

Ушбу халқаро йиғинда терма жамоамиз аъзоларининг иштирокини таъминлаш спортчиларимизнинг олдиндаги лицензия тақдим этувчи турнирларга, ўсмирлар ўртасидаги Жаҳон чемпионати ҳамда Олимпия ўйинлари -2021 га пухта тайёргарлик кўришга қаратилганлигини таъкидлаш ўринли.

Қувонарлиси, мазкур ўқув-машғулот йиғинининг бошида Ўзбекистон терма жамоаси вакиллари рапира йўналишида Белоруссияда энг Кучлиларнинг очиқ турнирида қатнашди ва у эрда яхши натижа кўрсатишди. 

Қизғин мусобақалар давомида аёллар ўртасида финалда ғолиб чиққан Умида Илёсова беларуслик рақиби Лазарева-Скранжская Янани энгиб,  1-ўринни эгаллади.  Ҳисоб 15:11.

Эркаклар ўртасида кечган баҳслар финал босқичида қиличбозимиз Солихозиев Ахмадуллохон Белорусия қиличбози Билаев Романга 15:14 ҳисобида ютқазди ва 2-ўринни эгаллади.

Белоруссиядаги халқаро йиғиндан кейин бизнинг рапирачилар жамоаси Украинада 16-25 март кунлари машғулотларни давом эттиради. Мазкур халқаро ўқув машғулот йиғнларида Руминия, шунингдек, Украина, АҚШ терма жамоалари ҳам иштирок этади.

Қиличбозларимизни халқаро ўқув-машғулот йиғинининг муваффақиятли бошланиши билан табриклаймиз ҳамда уларга омад ва бўлажак муҳим стартларга зўр тайёргарлик кўришларини тилаймиз!

Ўзбекистон қиличбозлик федерацияси матбуот хизмати