Расман! Чемпионлар тўқнашуви: Теофимо Лопес — Шакур Стивенсон

Ушбу жанг 31 январь куни АҚШнинг Нью-Йорк шаҳрида The Ring 6 шоусининг асосий воқеаси бўлади ва DAZN платформаси томонидан трансляция қилинади. Аввалига жанг Premier Boxing Champions (ПБC) серияси доирасида бўлиб ўтиши тахмин қилинганди.

Профессионал рингда мағлубиятга учрамаган 28 ёшли Стивенсон учун ушбу баҳс -63,5 кг вазн тоифасидаги дебют жанг бўлади. У сўнгги бор июль ойида рингга кўтарилиб, Уильям Сепедага қарши енгил вазн тоифасида WBC камарини муваффақиятли ҳимоя қилганди.

"Мен ҳеч қачон қийинчиликлардан қўрқмаганман ва ҳар доим энг йирик жангларга интилганман. Чунки мен дунёнинг энг яхши боксчиларидан бири эканлигимни биламан", - деди Стивенсон. - 31 январь куни мен унинг камарини олиб, унда нима борлигини кўрсатганимда, Теофимо Лопес буни ўз кўзлари билан кўради.

Маълумот учун, 28 ёшли Лопес 2022 йилда Жорж Камбоссосга қарши жангда енгил вазн тоифасидаги унвонларини йўқотиб қўйганидан кейин биринчи ярим ўрта вазн тоифасига ўтганди. Ўшандан бери у ҳеч қачон мағлуб бўлмади - олтита жангнинг барида ғалаба қозонди.