09 окт 17:02
Янгиликлар
Бокс/ММА
Расман. Фёдор Емельяненконинг жанги тасдиқланди, рақиб ҳам маълум
Россиялик аралаш қоидалар юлдузи Фёдор Емельяненко ўзининг Япониядаги сўнгги жангини ўтказиши ҳақида хабар берган эдик.
Бугун жанг манзили, санаси ва бўлажак баҳсдаги Емельяненконинг рақиби расман эълон қилинди. Фёдор 29 декабрь куни Япониянинг Саитама шаҳрида октагонга кўтарилади. Ушбу турнир Bellator ва Rizin компаниялари ҳамкорлигида ташкил этилмоқда.
Шу куни россиялик ММА юлдузи Квинтон Жексонга қарши жанг ўтказади. Bellator промоушени раҳбари Скотт Кокер Rizin компанияси бошлиғи Набуюки Сакакибара билан биргаликда бугун Японияда ўтказилган махсус матбуот анжуманида бу ҳақда хабар беришди.
"29 декабрь кунги турнирнинг марказий жанги Фёдор Емельяненко иштирокида бўлиб ўтади. Унинг рақиби эса Квинтон Жексон бўлади. Сўнгги Императорнинг Япониядаги сўнгги жангини юқори савияда ташкил этамиз", - деди Кокер.
Ҳавола :
Фикрлар