Расман: Глик фаолиятини “Монако”да давом эттиради

“Монако” клуби 28 ёшли футболчи билан 4 йиллик шартнома имзолади. Трансфернинг молиявий томонлари ошкор қилинмаяпти. Шундай бўлсада, матбуотда “Монако” Глик учун “Торино”га тахминан 11-12 млн евро сарфлагани айтилмоқда.

Футболчининг ўзи эса янги клубида йилига 2 млн евро маош олади. Камил Глик “Торино” сафига 2011 йили келиб қўшилганди. Ўша йили жамоа Италия В сериясида ўйнарди. Глик Польша терма жамоаси таркибида Евро-2016 баҳсларида ўзини ижобий томондан кўрсата олди.

Эслатиб ўтамиз, Польша терма жамоаси 1/4 финалга қадар етиб борди ва мусобақани мағлубиятсиз тарк этди. Айнан шу босқичда польшаликлар пенальтилар сериясида Португалияга ютқазишди. Глик бошчилигидаги ҳимоячилар 5та ўйинда бор йўғи 2та гол ўтказиб юборишди.