16 июл 14:19
Янгиликлар

Бокс/ММА

Расман. Наоя Иноуэнинг навбатдаги рақиби ва жанг санаси эълон қилинди + ПОСТЕР

Иккинчи энг енгил вазн тоифасида мутлақ Жаҳон чемпиони, япониялик Наоя Иноуэнинг кейинги жанги расман тасдиқланди.

У аввал хабар берганимиздек, австралиялик Ти Жей Доэни билан жанг қилади.

Бу ҳақда Наоя ҳамкорлик қилувчи Top Rank промоутерлик компанияси матбуот хизмати хабар берди.

Жанг 3 сентябрь куни Токиода (Япония) бўлиб ўтади. Унда Иноуэ барча камарларини ҳимоя қилиши айтилмоқда.

Аввалроқ, WBA ташкилоти чемпион Наоя Иноуэ ва мажбурий даъвогар мақомидаги ҳамюртимиз Муроджон Аҳмадалиев жангига расман буйруқ берган эди. Музокаралар натижаси 14 июль куни эълон қилиниши керак эди, бироқ WBA ҳали қарорни маълум қилганича йўқ.