Расман. PFL Фрэнсис Нганну бошчилигида PFL Africa лойиҳаси бошланганини эълон қилди

Бу ҳақда ташкилот ўзининг ижтимоий тармоқларида маълум қилди.

Матбуот хизмати тарқатган хабарга кўра, PFL Africa'нинг биринчи мавсуми 2025 йилда бошланади. Ушбу лига раиси сифатида оғир вазн тоифасида UFC собиқ чемпиони, камерунлик Фрэнсис Нганну танлаб олинган. Жангларда фақат африкалик спортчилар қатнашади ва барча турнирлар Африкада ўтказилади. 

Бу PFL учун учинчи минтақавий лига лойиҳаси бўлади. Айни пайтда Саудия Арабистонида турнирлар ўтказаётган PFL MENA, шунингдек, PFL Europe лойиҳалари мавжуд.