02 мар 09:17
Янгиликлар

Спорт курашлари

Расман! Разамбек Жамалов Тошкентдаги PWL 11 турнирида кимга қарши жанг қилиши маълум бўлди (ПОСТЕР)

27 март куни Тошкентдаги "Ҳумо Арена" иншоотида спорт курашлари бўйича PWL 11 турнири бўлиб ўтади.

Аввалроқ, мусобақада эркин кураш бўйича Олимпия ўйинлари ғолиби (2024), Ўзбекистон терма жамоаси аъзоси Разамбек Жамалов ҳам иштирок этиши ҳақида хабар берган эдик.

Ташкилотчиларнинг маълум қилишча, Жамаловга PWL 11 турнирида Бельгия вакили Ибрагим Велиев рақиблик қилади. Баҳс эркин кураш қоидалари бўйича 74 кг вазн тоифасида ўтказилади.

Бу Разамбек учун Париж Олимпиадасидан кейинги илк беллашув бўлади. 26 ёшли Ибрагим Велиев 74 кг вазн тоифасида дунё рейтингида 14-ўринни эгаллаб турибди.