Расман. Шоҳасан Мирзаматов февраль ойида Octagon чемпионлик камари учун жанг қилади

Лига матбуот хизмати турнирнинг марказий жангини эълон қилди.

Унга кўра, ярим ўрта вазн тоифасидаги ўзбекистонлик аралаш якка кураш устаси Шоҳасан Мирзаматов мусобақа доирасида мазкур вазнда Лига чемпиони бўлиб турган Қозоғистон вакили Георгий Кичигин билан баҳс олиб боради.

Икки спортчи аслида 2024 йил январь ойида учрашиши керак эди, бироқ Мирзаматовнинг вазн ўлчаш маросимидан ўта олмагани натижасида жанг бекор бўлганди.

Маълумот учун, Шоҳасан фаолияти давомида ҳозиргача 18 та жанг ўтказиб, 14 та ғалаба ва 4 та мағлубият қайд этган. Кичигиннинг ҳисобида эса 31 та ғалаба ва 10 та мағлубият бор.