Расман. Шоҳасан Мирзаматов Тошкентда чемпионлик камари учун жанг қилади (ПОСТЕР)

Маълум бўлишича, 6 июль куни пойтахтимиздаги "Ҳумо Арена" мажмуасида ММА бўйича Octagon 75 турнири ташкил этилади. Оқшомнинг марказий жанги яримўрта вазн тоифасининг амалдаги чемпиони, қозоғистонлик Георгий Кичигин ҳамда ҳамюртимиз Шоҳасан Мирзаматов ўртасида кечади.

Чемпионлик жанги 5 раундга мўлжалланган. Аслида яккакураш усталари аввалроқ икки маротаба жанг қилиши белгиланган, лекин ҳар икки сафар ҳам бу жанглар бекор бўлганди.

Маълумот учун, Мирзаматов фаолияти давомида 19 та жанг ўтказиб, 15 ғалаба ва 4 мағлубият қайд этган бўлса, Георгий Кичигин ҳисобида 32 ғалаба ва 10 та мағлубият бор.