Расман: Шоҳасан Мирзаматовнинг ўрнига бошқа ўзбекистонлик камар учун жанг қилади

Турнирнинг марказий жанги яримўрта вазн тоифасидаги чемпион, қозоғистонлик Георгий Кичигин ҳамда ўзбекистонлик таниқли аралаш яккакураш устаси Шоҳасан Мирзаматов ўртасида кечиши керак эди. Аммо Мирзаматов бир неча кун олдин автофалокат туфайли жароҳат олди ва бунинг натижасида жангда иштирок эта олмаслиги аниқ бўлди.

Лига Шоҳасаннинг ўрнига ким жанг қилиши бўйича хабар берди. Унга кўра, 23 февраль куни Кичигинга бошқа бир ҳамюртимиз Саидотахон Нуриддинов рақиб бўлади.

Маълумот учун, Георгий Кичигин фаолияти давомида 41 та жанг ўтказиб, 31 та ғалаба ва 10 та мағлубият қайд этган. Саидотахон Нуриддинов ҳисобида эса 6 та ғалаба ва 1 та мағлубият бор.