23 авг 09:01
Янгиликлар

Бокс/ММА

Расман: UFC 279 кечаси учун навбатдаги қизиқарли жанг тасдиқланди + ПОСТЕР

Россиялик аралаш яккакураш устаси Денис Тюлюлин 11 сентябрь куни бўлиб ўтадиган UFC 279 турнирида Жейми Пикеттга қарши октагонга кўтарилади.

Жангчилар 10 июль куни UFC Vegas 58 турнирида тўқнаш келиши керак эди. Аммо, Денис Тюлюлиннинг жароҳати туфайли жанг қолдирилган. 34 ёшли Тюлюлин машғулот жараёнида жароҳат олганини маълум қилганди.

Маълумот учун, Денис Тюлюлин UFCʼда битта жанг ўтказган. У UFC on ESPN 33турнирида ҳамюрти Алиасхаб Хизриевга бўғиш усули билан мағлуб бўлган.

Жейми Пикетт эса сўнгги жангида Кайл Дакасга имкониятни бой берган эди. Пикетт UFCʼда бешта жанг ўтказган. Уларнинг 2 тасида ғалаба қозонган, қолган 3та жангда эса мағлубият аламини тотиб кўрган.