14 мар 08:25
Янгиликлар

Бокс/ММА

Расман. UFC гангстерлари боксда ўзаро жанг қиладиган бўлди + ПОСТЕР

Америкалик собиқ UFC жангчилари Нейт Диас ва Хорхе Масвидаль бокс қоидалари бўйича жанг қилади.

Ушбу жанг 1 июнь куни АҚШнинг Калифорния штати, Инглвуд шаҳрида ташкил этиладиган бокс оқшоми доирасида ўтказилади. Қайд этиш жоиз, аралаш яккакураш усталари мазкур жангнинг ярим оғир вазн тоифасида 10 раунд ўтказилишига келишиб олишган.

Бу ҳар икки "гангстер" учун ўзаро иккинчи жанг бўлади. Уларнинг илк тўқнашуви 2019 йил UFC 244 турнири доирасида ўтказилган бўлиб, ўшанда Масвидаль Диасни учинчи раундда нокаут орқали таслим этганди.

Маълумот учун, Масвидаль ММАда умумий ҳисобда 52 та жанг ўтказиб, уларнинг 35 тасида ғалаба қозонган. Диас эса фаолияти давомида ўтказилган 37 та жангнинг 24 тасида рақибларидан устун келган.