Разамбек Жамалов Ўзбекистон терма жамоасида қанча пул ишлаши ҳақидаги саволга жавоб берди

Разамбек Жамалов ўсмирлар ўртасида жаҳон вице-чемпиони (2018), U23 ёш тоифасида Европа ва жаҳон чемпиони (2019), бир неча карра Россия чемпиони ҳисобланади. Жамалов Ўзбекистон терма жамоасида унга яратилган шароитлар ҳақида гапирди.

- Ўзбекистон терма жамоаси сен учун қанча пул таклиф қилди?

- У ерда шароитлар яхши. Улар бизнинг муносабатларимизда ҳам шундай шароитлар бўлишини айтиб, менга мурожаат қилишганди.

- Таклиф молиявий томонлама сени тўлиқ қониқтирди, шундайми?

- Ҳа, яхши таклиф бўлди. Ҳаттоки, жуда яхши. 

- Россиядагидан ҳам яхшими?

- Ҳа, ёмон эмас.

Эслатиб ўтамиз, Жамалов 7 июнь куни Венгриянинг Будапешт шаҳри мезбонлик қилган халқаро рейтинг турнирида ғолиб бўлган эди. Ушбу муваффақият сабаб Жамаловнинг Ўзбекистон терма жамоаси сафида Париж Олимпиадасига бориши ҳал бўлгани айтилмоқда.