04 май 09:20
Янгиликлар

Бокс/ММА

RCC 9: Василевский Андрадени енгди, Нагибинда нокаутли ғалаба

Россиянинг Екатеринбург шаҳридаги "Уралец" аренада аралаш яккакураш бўйича навбатдаги турнир бўлиб ўтди.

RCC 9 турнирининг марказий жанги ўрта вазн тоифасида ўтказилиб, унда россиялик Вячеслав Василевский бразилиялик Вискарди Андрадега қарши октагонга кўтарилди. Ҳам "стойка", ҳам партерда рақибига нисбатан яхшироқ ҳаракат қилган Василевский уч раундлик жанг якунида ҳакамларнинг бир овоздан берган баҳосига кўра очколар ҳисобида ғалаба қозонди.

Оқшомнинг анеркард жангида енгил вазн тоифасида россиялик Тимур Нагибин собиқ UFC ва PFL промоушенлари жангчиси Тиаго Таваресни учинчи раундда тиззада берган зарбаси эвазига нокаутга учратди.

Таъкидлаш жоиз, турнирнинг қизиқарли жангларидан бирида Пётр Яннинг собиқ спарринг-ҳамкори Денис Лаврентьев бразилиялик Рафаэль Диасдан очколар бўйича устун келди.