Рим. 506-ракетка ғалаба билан бошлади, уни Ига Свёнтек кутмоқда

WTA рейтингида 506-поғонада бораётган россиялик Анастасия Павлюченкова шов-шувли тарзда дунёнинг 78-ракеткаси бўлиб турган италиялик Сара Эрранини осонлик билан мағлубиятга учратди - 6/1, 6/1.

Теннисчиларнинг ўзаро учрашувларидаги ҳисоб Настя фойдасига йириклашди - 6:2. Олтмиш уч дақиқа давом этган баҳсда Павлюченкова 4 та эйс, 3 та қўшхато ва 5 та брейк қайд этди. Энди у иккинчи босқичда дунёнинг биринчи рақамли теннис маликаси, польшалик Ига Свёнтекка қарши кортга чиқади.