13 май 20:25
Янгиликлар
Теннис
Рим. Aрина Соболенко Aманда Aнисимовани мағлуб этиб, ярим финал иштирокчисига айланди
Италия пойтахти Рим шаҳрида бўлиб ўтаётган теннис бўйича "Мастерс" сериясига кирувчи турнирнинг аёллар ўртасидаги баҳсларида ярим финал иштирокчилари аниқланмоқда.
Жаҳоннинг саккизинчи ракеткаси, беларуслик Aрина Соболенко турнирнинг чорак финалида WТA рейтингида 32-ўринни эгаллаб турган америкалик Aманда Aнисимовани уч сетда 4/6, 6/3, 6/2 ҳисобида мағлуб этиб, ярим финалга чиқди.
Учрашув 1 соат 53 дақиқа давом этди. Бу вақт ичида 24 ёшли Соболенко битта эйс зарбасини амалга ошириб, тўпни ўйинга киритишда саккиз марта хатога йўл қўйди ва еттита брейкдан унумли фойдаланди. 20 ёшли Aнисимова эса етти марта қўш хатога йўл қўйиб, бешта брейк қайд этди. Соболенко теннисчиларнинг ўзаро учрашувларидаги ҳисобни қисқартирди - 1:4.
Римдаги мусобақанинг ярим финалида Соболенко польшалик Ига Свёнтек ёки канадалик Бьянка Aндреескуга қарши баҳс олиб боради.
Ҳавола :
Манба : gotennis.ru
Фикрлар