26 фев 08:25
Янгиликлар

Теннис

Rio Open. Аргентиналик Бразилияда чемпион бўлди

Бразилиянинг Рио-де-Жанейро шаҳрида теннис бўйича ATP турнири якунига етди.

Мусобақа бош соврини аргентиналик Себастьян Баесга насиб этди. Дунёнинг 30-ракеткаси финал баҳсида ATP рейтингининг 113-поғонасида борган ватандоши Мариано Навонени ортиқча қийинчиликсиз мағлубятга учратди - 6/2, 6/1.

Бу ҳамюртларнинг илк учрашуви эди. Бир соату 24 дақиқа давом этган учрашувда Баес 2 та эйс, 6 та брейкни амалга оширди. Қўшхатога йўл қўймади. Rio Open турниридаги муваффақиятли иштирок Баесга 500 рейтинг очкоси ҳамда 392,775 АҚШ доллари миқдорида мукофот пули келтирди.