30 май 10:54
Янгиликлар

Теннис

"Ролан Гаррос". Дунёнинг биринчи ракеткаси бошлади

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Франция Очиқ чемпионатининг эркаклар ўртасидаги баҳсларида дунёнинг биринчи ракеткаси Карлос Алькараз илк даврада осон ғалабани қўлга киритди. Испаниялик теннисчи ATP рейтингида 159-поғонада бораётган италиялик Флавио Коболлини 6/0, 6/2, 7/5 ҳисобларида таслим этди.

Бу теннисчиларнинг ўзаро ўтказган илк учрашуви эди. Бир соату 57 дақиқа давом этган баҳсда Алькараз 3, Коболли 1 та эйс зарбани амалга оширган. Энди Карлос иккинчи босқичда Таро Даниэлга қарши кортга чиқади. Япониялик теннисчи биринчи даврада австралиялик Кристофер О'Коннеллдан устун келди - 6/0, 6/2, 6/4.