"Ролан Гаррос". Дунёнинг биринчи ракеткаси рақибига учтагина гейм берди

Дунёнинг биринчи ракеткаси Янник Синнер учинчи даврада ATP рейтингида 34-ўринда бораётган чехиялик Иржи Лехечкага ҳеч қандай имконият қолдирмади - 6/0, 6/1, 6/2. Теннисчиларнинг ўзаро учрашувларидаги ҳисоб янада йириклашди - 4:0. 

Тўқсон беш дақиқа давом этган баҳсда иккала ракетка устаси ҳам 3 тадан эйс зарбасини амалга оширган. Синнер қўшхатога йўл қўймади. Брейклар бўйича мутлақ устунлик ҳам табииийки, у томонида бўлди - 7 га 0! Энди италиялик теннисчи 1/8 финалда россиялик Андрей Рублёвга қарши кортга чиқади.