29 май 09:08
Янгиликлар

Теннис

"Ролан Гаррос". Изнерга 38 та эйс ҳам ёрдам бермади

Эйс зарбалар қироли Жон Изнер Франция Очиқ чемпионатининг илк даврасидаёқ мағлубият аламини тотиб кўрди.

ATP рейтингида 89-поғонада бораётган америкалик теннисчи 2 дақиқаси кам 4 соат давом этган учрашувда португалиялик Нуну Боргешга 4/6, 7/5, 6/7(3), 6/4, 6/7(9) ҳисобларида ютқазиб қўйди. Бу теннисчиларнинг ўзаро ўтказган илк учрашуви эди.

Изнер баҳс давомида 38, дунёнинг 76-ракеткаси бўлиб турган Боргеш эса 5 та эйс зарбасини амалга оширган. Португалияликнинг иккинчи даврадаги рақиби испаниялик Бернабе Сапата Миральес ҳамда аргентиналик Диего Шварцман ўртасидаги учрашувдан сўнг маълум бўлади.