03 июн 12:08
Янгиликлар

Теннис

"Ролан Гаррос". Пегула 361-ракеткага ютқазиб қўйди, 1/4 финалда янги ном

Дунёнинг учинчи ракеткаси Жессика Пегула кутилмаганда Франция Очиқ чемпионатидаги иштирокини чорак финал остонасида тўхтатди.

Америкалик теннисчи кутилмаганда 1/8 финал учрашувда WTA рейтингида 361-поғонадан жой олган франциялик Лоис Буассонга 6/3, 4/6, 4/6 ҳисобида имкониятни бой бериб қўйди. Бу теннисчиларнинг ўзаро ўтказган илк учрашуви бўлди.

Иккала теннисчи ҳам 5 тадан брейкни амалга оширган. Буассон - "Ролан Гаррос" турнири 1/4 финалига етиб келган учинчи француз теннисчисига айланди. Унгача Каролин Гарсия ва Кристин Младенович 2017 йилда ушбу босқичга етиб келганди. Энди 22 ёшли Лоис ярим финал чиптаси учун россиялик Мирра Андреевага қарши кортга чиқади.