29 май 08:03
Янгиликлар

Теннис

"Ролан Гаррос". Соболенко Камилага ютқазиб қўйди

Сайёрамизнинг еттинчи рақамли теннис маликаси Арина Соболенко "Ролан Гаррос" турнирининг учинчи даврасида мағлубиятга учради.

Беларуслик теннисчи WTA рейтингида роппа-роса 30-ўринда бораётган италиялик Камила Жоржига 6/4, 1/6, 0/6 ҳисобида имкониятни бой бериб, Франция Очиқ чемпионатидаги иштирокини тўхтатди.

Теннисчилар кортда 102 дақиқа ҳаракат қилишган. Бу вақт оралиғида 24 ёшли Арина 3 та, 30 ёшли Камила эса 2 та эйс зарбасини ижро этган. Италиялик теннисчи ўзаро учрашувларда ҳисобда олдинга чиқиб олди - 2:1.