07 окт 09:24
Янгиликлар

Теннис

"Ролан Гаррос". Свитолина 131-ракеткага ютқазиб қўйди

Франция пойтахти мезбонлигида ўтаётган теннис бўйича "Катта Дубулға" туркумига кирувчи "Роллан Гаррос" турнири ўзининг ҳал қилувчи палласига кирди.

Аёллар ўртасидаги баҳсларда сайёрамизнинг бешинчи ракеткаси Элина Свитолина кутилмаганда 1/4 финал учрашувида мағлубият аламини тотиб кўрди. Украиналик теннис маликаси рейтингнинг 131-поғонасидан жой олиб турган аргентиналик Надя Подорошкага ютқазиб қўйди - 2/6, 4/6.

Бир соату 19 дақиқа давом этган баҳсда ҳар икки теннисчи биттадан эйс зарбасини амалга оширишди. Бу теннисчиларнинг ўзаро ўтказган илк учрашуви эди. Энди 23 ёшли Надя Франция Очиқ чемпионатининг ярим финалида польшалик Ига Свёнтекка қарши кортга чиқади.