07 окт 11:52
Янгиликлар

Теннис

"Ролан Гаррос". Тим 5 соатдан ошиқ давом этган баҳсда ютқазди

Дунёнинг учинчи ракеткаси Доминик Тим "Катта Дубулға" туркумига кирувчи "Ролан Гаррос" турниридаги иштирокини якунлади.

Австриялик теннисчи Франция Очиқ чемпионатининг драматик кечган чорак финалида рейтингнинг 14-поғонасидан жой олган аргентиналик Диего Шварцманга имкониятни бой бериб қўйди - 6/7(1), 7/5, 7/6(6), 6/7(5), 2/6.

Учрашув 5 соату 8 дақиқа давом этган. Доминик бу вақт оралиғида 7 та, унинг рақиби эса 1 та эйс зарбани амалга оширди. Ўзаро учрашувларда ҳамон Тим олдинда бормоқда - 6:3. Энди Шварцман "Ролан Гаррос" 1/2 финалида испаниялик Рафаэль Надалга қарши кортга чиқади.