Роман Копиловнинг навбатдаги жанг санаси ва манзили маълум. У Нурсултон Рўзибоевнинг собиқ рақиби билан тўқнаш келади

Унга кўра, Копилов 24 август куни АҚШнинг Невада штати Лас-Вегас шаҳрида ўтказиладиган UFC турнирида октагонга чиқади. Унинг рақиби бразилиялик нокаутчи Бруно Феррейра бўлади.

Маълумот учун, Бруно Феррейра ўтган йили UFC промоушенида дебют қилган эди. У қисқа муддатда дунёнинг энг кучли ташкилоти баннери остида 4 та жанг ўтказиб, 3 ғалаба ва 1 мағлубият қайд этди. Қизиғи, ҳамма жанглари биринчи раунднинг ўзида нокаут билан якунланган. 

Бразилиялик 31 ёшли аралаш яккакураш устаси ягона мағлубиятини ҳамюртимиз Нурсултон Рўзибоевдан қабул қилиб олган. Шундан кейин у Фил Хоус ва Дастин Штольцфусни биринчи раунднинг ўзида нокаут эвазига енгди. 

Роман Копилов эса шу ойнинг бошида Сезар Алмейдани ҳакамларнинг айри қарори билан мағлубиятга учратганди. Россиялик 33 ёшли Копилов бундан аввалги жангида Энтони Эрнандесга ютқазиб қўйганди. Унгача Роман 4 та жангининг барчасини нокаут билан якунланган эди.