07 фев 21:18
Янгиликлар
Теннис
"Дэвис кубоги". Нигерия ва Ўзбекистон ўртасидаги илк кунги учрашувлар якунланди
Бугундан Нигериянинг Лагос оролида жойлашган Lagos Lawn Tennis Club мажмуасида теннис бўйича эркаклар ўртасидаги жамоавий "Дэвис кубоги" мусобақаси доирасида Нигерия ва Ўзбекистон терма жамоалари ўртасидаги ўйинлар серияси бошланди.
Илк кунги ўйинлар доирасида мамлакатимизнинг иккинчи ракеткаси Ҳумоюн Султонов (ATP-615) Абуа Канисега қарши кортга чиқди. 1 соат, 51 дақиқа давом этган учрашувда Султонов 6/3, 6/4 ҳисобида ўз ғалабасини таъминлади.
Иккинчи баҳсда эса афсуски, Абдулазиз Усмонжонов (ATP-1933) Даниэль Аделейега имкониятни бой бериб қўйди — 6/4, 2/6, 4/6.
Шу тариқа, дастлабки кунги беллашувлардан сўнг Нигерия ва Ўзбекистон ўртасидаги ҳисоб 1:1 кўринишига келди. Қайд этиш жоиз, бугун кортга чиққан нигериялик теннисчиларнинг иккиси ҳам дунё рейтингидан ўрин олмаганди.
Эртанги ўйинлар рўйхати:
Майкл Эммануэль/Юсуф Абубакар — Илья Игнатов/Сухроб Саидов
Даниэль Аделейе — Ҳумоюн Султонов
Абуа Канисе — Абдулазиз Усмонжонов.
Ҳавола :
Манба : olamsport.com
Фикрлар