UFC Fight Night 266. Тўрт жангчи вазн қила олмади, улар орасида Муин Гафуров ҳам бор

Бугун UFC Fight Night 266 турнири жангчилари расмий тарозидан ўтиш маросимида иштирок этишди. Оқшомнинг асосий жанги ўта енгил вазн тоифасида ўтказилади ва унда мерикалик Марио Баутиста бразилиялик Винишиус Оливейрага қарши октагонга чиқади. Иккала аралаш яккакураш устаси ҳам белгиланган вазн меъёрини бажарди. Марио тарозида 61.46 кг, Винишиус эса 61.69 кг тош босди. 

Эътиборлиси шундаки, тўрт нафар жангчи вазн меъёрини қила олмади. Улар орасида тожикистонлик Муин Гафуров ҳам бор. У меъёрдан 2.27 кг кўп вазн кўрсатди ва энди гонорарининг каттагина қисмини Якуб Виклацга беради. Гафуров 63.96 кг, Виклац 61.46 кг вазн қайд этди. 

Шунингдек, Жанни Васкес (2.27 кг), Ван Конг (0.68 кг) ва Эдуарда Моура (0.45 кг) ҳам лимитдан ортиқ вазн кўрсатган. Улар ҳам ўз гонорарларининг маълум қисмини жарима сифатида тўлайдилар. Ван Конг ва Эдуарда Моуранинг ўзаро жанг қилиши аҳамиятга молик ҳолат. 

UFC Fight Night 266 тарози натижалари:

Асосий кард жанглари

Марио Баутиста (61.46 кг) — Винишиус Оливейра (61.69 кг)

Амир Албази (56.93 кг) — Киоджи Хоригучи (57.15 кг)

Жаилтон Алмейда (109.32 кг) — Ризван Куниев (119.75 кг)

Марк-Андре Баррио (83.7 кг) — Михал Олексийчук (84.37 кг)

Фарид Башарат (61.69 кг) — Жан Мацумото (61.46 кг)

Дастин Жейкоби (92.76 кг) — Жулиус Уокер (93.44 кг)

Прелим кард жанглари

Даниил Донченко (77.34 кг) — Алекс Мороно (77.34 кг)

Нико Прайс (77.56 кг) — Николай Веретенников (77.34 кг)

Бруна Бразил (52.62 кг) — Кетлин Соуза (52.39 кг)

Жавид Башарат (61.46 кг) — Жанни Васкес (63.96 кг)*

Ван Конг (57.83 кг)** — Эдуарда Моура (57.61 кг)***

Муин Гафуров (63.96 кг)*** — Якуб Виклац (61.46 кг)

Присцила Кечоейра (61.46 кг) — Клаудия Сигулa (61.46 кг)