17 июл 12:39
Янгиликлар
Футбол
Роналду Луис Диасни “Ал Насср”да кўришни истамоқда — клуб 100 миллион евро беришга тайёр
Португалиялик юлдуз Криштиану Роналду жорий ёзда “Ал Насср” сафида янги ҳамкор кўришни истамоқда.
Испаниянинг Sport.es нашри маълум қилишича, Роналду "Ливерпуль" ҳужумчиси Луис Диаснинг жамоага қўшилишини хоҳламоқда.
Манбага кўра, Криштиану колумбиялик вингерни қанотдаги ўйинларини кўриб, унинг ўзини голли вазиятлар билан таъминлашини истамоқда. Саудия Арабистони клуби "Ливерпуль" талаб қилган 100 миллион евро миқдоридаги товон пулини тўлашга тайёр.
Аввалроқ "мерсисайдликлар" Луис Диас учун "Бавария" томонидан таклиф қилинган 67,4 миллионни рад этган эди.
Эслатиб ўтамиз, ўтган мавсумда 27 ёшли Диас барча мусобақаларда 50 та учрашувда қатнашиб, 17 та гол ва 8 та ассистга муаллифлик қилган. Унинг "Ливерпуль" билан амалдаги шартномаси 2027 йилнинг ёзигача амал қилади.
Ҳавола :
Манба : Sport.es
Фикрлар