Роналдунинг жароҳати ҳақида маълумот берилди

"Ал Насcр" матбуот хизмати хабар беришича, португалиялик футболчи Саудия Арабистони чемпионатида "Ал Фейха"га қарши ўйиндан сўнг жароҳат олган.  

"Роналду реабилитация дастурини бошлаб юборди, унинг ҳолати ҳар куни баҳоланади", — дейилади баёнотда.  

Аввалроқ Роналду оиласи билан бирга Яқин Шарқдаги қуролли можаро фонида Саудия Арабистонини тарк этгани ҳақида миш-мишлар тарқалган эди. Кейинчалик бу маълумотни машҳур инсайдер Фабрицио Романо рад этди.