18 июн 18:12
Янгиликлар

Теннис

Rothesay Open турнирида финалчилар маълум

Буюк Британиянинг Ноттингем шаҳрида теннис бўйича WTA турнири давом этмоқда.

Дунёнинг 131-ракеткаси Жоди Анна Бёррэдж мусобақанинг финалига йўл олди. Британиялик теннисчи ярим финалда WTA рейтингининг 72-поғонасида бораётган франциялик Ализе Корнени 7/5, 7/5 ҳисобларида мағлубиятга учратди.

Теннисчиларнинг ўзаро илк учрашуви 105 дақиқа давом этган. Бёррэдж 3, Корне 1 та эйс зарбани амалга оширди. Бугун Бёррэдж Rothesay Open турнири бош соврини учун ватандоши Кэти Бултерга қарши кортга чиқади.