17 апр 09:49
Янгиликлар

Теннис

Рублёв Барселона турнири стартидаёқ ютқазиб қўйди

Испаниянинг Барселона шаҳрида теннис бўйича ATP 500 тоифасига кирувчи турнир давом этмоқда.

Кутилмаганда дунёнинг саккизинчи ракеткаси Андрей Рублёв мусобақа стартидаёқ мағлубият аламини тотиб кўрди. Россиялик теннисчи илк даврада ATP рейтингида 87-поғонада бораётган америкалик Брэндон Накашимага 4/6, 6/7(6) ҳисобида имкониятни бой берди.

Накашима бу ғалабаси эвазига теннисчиларнинг ўзаро учрашувларидаги ҳисоб мувозанатини тиклаб қўйди - 1:1. Бир соату 55 дақиқа давом этган баҳсда Рублёв 7, Накашима 6 та эйс зарбасини амалша оширган.