18 апр 07:47
Янгиликлар

Теннис

Рублёв Монте-Карло "Мастерс" финалида

Монако Князлигининг Монте-Карло шаҳрида теннис бўйича "Мастерс" сериясига кирувчи турнир бўлиб ўтмоқда.

Дунёнинг саккизинчи ракеткаси Андрей Рублёв муваффақиятли одимини давом эттиряпти. Россиялик теннисчи ярим финал учрашувида рейтингнинг 27-поғонасидан жой олган норвегиялик Каспер Руудни 6/3, 7/5 ҳисобларида мағлуб этди.

Саксон дақиқа давом этган баҳсда 23 ёшли Рублёв ҳам, 22 яшар Рууд ҳам 2 тадан эйс зарбасини амалга оширган. Андрей ўзаро учрашувлардаги ҳисобни йириклаштирди - 5:0. Бугун Рублёв Rolex Monte-Carlo Masters бош соврини учун баҳсда грециялик Стефанос Циципасга қарши кортга чиқади.