Рублёв - Синнер баҳсида иккинчи финалчи аниқланди

Дунёнинг бешинчи ракеткаси, россиялик Андрей Рублёв ярим финал баҳсида ATP рейтингида ўзидан бир поғона юқорида бораётган италиялик Янник Синнерга қарши кортга чиқди. Бир соату 52 дақиқа давом этган учрашувда Рублёв рақибига 5/7, 6/7(5) ҳисобида ютқазиб қўйди.

Теннисчиларнинг ўзаро учрашувларида италиялик теннисчи олдиндан бормоқда - 4:2. Рублёв 4, Синнер эса 10 та эйс зарбасини амалга оширган. Қўшхатолар Янникда икки баробар кўпроқ бўлди - 4 га 2. Брейкларда ҳам Синнер устунлик қилди - 3 га 2! Бугун у Вена турнири бош соврини учун бошқа бир рус теннисчиси Даниил Медведевга қарши кортга чиқади.