Рублёв Якуний АТР турнирини ғалаба билан бошлади

Новак Жокович жойлашган "Қизил гуруҳ"да иштирок этаётган россиялик теннисчи Андрей Рублёв илк учрашувини ўтказди. Дунёнинг бешинчи ракеткаси бўлиб турган Рублёв рейтингда ўзидан бир поғона юқорида турган грециялик Стефанос Циципасни икки сетда ҳам бир хил ҳисобда мағлубиятга учратди - 6/4, 6/4.

Тўқсон икки дақиқа давом этган баҳсда 24 ёшли Андрей 2 та брейк, 9 та эйс, 23 яшар Стефанос эса 12 та эйс зарбани амалга оширди. Теннисчиларнинг ўзаро учрашувларидаги ҳисоб тенглашди - 5:5.

Шу тариқа, бу гуруҳда Рублёв ва Новак Жокович биттадан ғалабага эришишди. Каспер Рууд ва Стефанос Циципас ҳисобида биттадан мағлубият бор.