30 сен 13:49
Янгиликлар

Теннис

Руне мезбон теннисчига қарши баҳсда матчболдан чиқиб кетди

Япония пойтахти Токио шаҳрида теннис бўйича нуфузли ATP турнири давом этмоқда.

Дунёнинг 14-ракеткаси бўлиб турган Хольгер Руне Kinoshita Group Japan Open Tennis Championships турнирининг ярим финалига йўл олди. Даниялик теннисчи 2 соату 15 дақиқа давом этган 1/4 финал баҳсида ATP рейтингида роппа-роса 200-поғонада бораётган япониялик Кеи Нишикорини мағлубиятга учратди - 3/6, 6/2, 7/5.

Бу теннисчиларнинг ўзаро ўтказган илк учрашуви бўлди. Руне 6, Нишикори 1 та эйс зарбасини амалга оширган. Иккала теннисчи ҳам қўшхатога йўл қўймади. Брейклар бўйича устунлик даниялик томонда бўлди - 4 га 2. Ҳал қилувчи учинчи сетда, ҳисоб 3/5 кўринишида бўлиб турган Хольгер матчболдан чиқиб кетди.