Рустам Ассакалов: "Спортчи сифатида сиз билан хайрлашаман, мураббий бўлиб янги бобни бошлайман"

Тажрибали курашчимиз Инстаграм саҳифаси орқали мухлисларига мурожаат қилди:

"Ҳаммага ассалому алайкум! Ўзбекистон Республикаси раҳбариятига, Миллий Олимпия қўмитасига, унутилмас онлар учун кураш Ассосиациясига чуқур миннатдорчилигимни изҳор этмоқчиман. Улар кўтарилиш ва пасайиш чоғларимда бирга бўлишди. Мен барча ўзбек ва черкес халқини қадрлайман ҳамда ҳурмат қиламан. Менга етишмаётган медални қўлга киритиш истагини ҳаммангиз кўрдингиз, лекин Қодир Тангрининг бошқа режалари бор экан. Мен Аллоҳнинг бандасиман! Бошимдан кечирганларим ва бор нарсаларим учун Алҳамдулиллаҳ!

Вақтим ниҳоясига етганини англаш қийин, лекин ҳар бир кишида бошланиши ва охири бўлади. Бу менинг тўхташ жойим. Яна бир бор гилам марказини мен билан баҳам кўрган барча рақибларимга ўз миннатдорлигимни билдираман. Бугунингиз билан яшанг, чунки кечаги кун ўтди, эрта эса келмаслиги мумкин. Спортчи Рустам сиз билан хайрлашади, мураббий сифатида эса янги бобни бошлайман. Айтишганидек, бутун ҳаёт курашдан иборат ва менинг курашга муҳаббатим чексиз", деб ёзди Ассакалов.

Маълумот учун, Рустам Ассакалов Ўзбекистон терма жамоси сафида жаҳон чемпионатининг икки карра совриндори (Лас-Вегас-2015 кумуш, Нур-Султон-2019 бронза) бўлган. Осиё ўйинларида уч маротаба ғолиб ва совриндорга айланган. Шунингдек, уч карра Осиё чемпиони ва тўрт карра совриндорига айланишга улгурган. Боку-2017 ва Коня-2021 Ислом бирдамлик ўйинларида бронза ва олтин медалларини қўлга киритган эди.