Сабина Алтинбекова Италия клубини тарк этдими?

Сабина БААдан кетгач Италиянинг "Волалто Казерти" жамоаси билан шартнома имзолаган эди. Алтинбекова Instagram саҳифасида клубидаги муаммоларга тўхталиб ўтди. 

"Визалар тайёр, чипталар буюртма қилинган, машғулот йиғини бизни кутаётганди. Афсуски, "Казерта"ни лига ўйинларида қатнашишига рухсат беришмади. Жамоам мавсумда иштирок этмаслигидан жуда афсусдаман. Омад тилайман! Мен ва менинг жамоам бошқа вариантларни ўрганишни бошладик. Ҳаммага раҳмат!", - дея фикр қолдирган Сабина.

Эслатиб ўтамиз, Сабина Алтинбекова 4 июль куни Италия клуби билан икки йиллик шартнома имзолаган эди. "Казерта" Италиянинг асосий аёллар волейбол лигаси - Серия А1 чемпионатида мавсумни бошлаши керак эди. Ўтган мавсумда "Волалто Казерта" сўнгги 14-ўринни эгаллаб турганди. Лекин коронавирус пандемияси сабаб чемпионат муддатидан аввал якунланган ва бу билан клуб қуйи лигага тушиб кетишдан қутулиб қолганди.