Сабина Шарипова ўзидан 231 поғона пастдаги рақибасига ютқазиб қўйди

Бугун теннисчимиз Сабина Шарипова турнирнинг 1/8 финал босқичида нидерландиялик Лехи Стивенсга қарши кортга чиқди.

Мусобақада  3-рақам остида сараланган Шарипова афсуски, ўзидан 231 поғона қуйидаги рақибасига 2 сетда 1/6, 3/6 ҳисобида ютқазиб қўйди. Маълумот учун, жаҳон рейтингида Шарипова 371, Стивенс эса 602-ўринни эгаллаб турибди.

Шунингдек, теннисчимиз турнирнинг жуфлик баҳсларида япониялик Хироку Кувата биалн тандем ҳосил қилган ҳолда иштирок этмоқда. Турнирда 1-рақам остида сараланган Сабина ва унинг шериги бироздан сўнг италиялик Энола Кеза ва украиналик Виктория Дема жуфлигига қарши кортга чиқади.