Бугун Осиё чемпионатида 6 боксчимиз рингга чиқади. Икки жуфтликда ўзбек-қозоқ қарама-қаршилигига гувоҳ бўламиз!

Бугун қитъа биринчилигида чорак финал жанглари давом эттирилади. Кун давомида Ўзбекистон терма жамоасининг 6 нафар боксчиси ярим финал чиптаси учун рингга кўтарилади. Бугун ғалаба қозонадиган боксчилар Осиё чемпионатининг камида бронза медалини нақд қилишади.   

Бизнинг вақт билан соат 09:45да Сабина Бобоқулова иштирокидаги жанг боксчиларимизнинг бугунги юришини бошлаб беради. -48 кг вазндаги боксчимиз қозоғистонлик Айгерим Саттибаевага қарши рингга кўтарилади. -80 кг вазн тоифасидаги жангда ҳам ўзбек-қозоқ боксчилари қарама-қаршилигига гувоҳ бўламиз. Фазлиддин Эркинбоев Эрассил Жакпеков билан ярим финал чиптаси учун жанг қилади.  

Бугун рингга чиқадиган боксчиларимиз:

-48 кг: Сабина Бобоқулова - Айгерим Саттибаева (Қозоғистон) 09:45

-57 кг: Нигина Ўктамова - Чинг-Ю Яо (Хитой Тайпейи) 10:15

-85 кг: Жасурбек Йўлдошев - Муҳаммадазиз Закиров (Қирғиз Республикаси) 11:30

-75 кг: Жавоҳир Абдураҳимов - Атаи Дамир (Қирғиз Республикаси) 14:00

-80 кг: Фазлиддин Эркинбоев - Эрассил Жакпеков (Қозоғистон) 15:30

-90 кг: Ҳалимжон Мамасолиев - Энкисанаа Гантулга (Мўғулистон) 16:15